Arrestimi i Selmanit ndodhi derisa ai po kthehej në Kosovë. Familjarët e tij kanë bërë publik lajmin, duke theksuar se akuzat e Prokurorisë së Serbisë janë të pabazuara dhe të pavërteta.
Familja shprehu besimin e plotë në pafajësinë e Selmanit. Ata theksuan se do të qëndrojnë pranë tij derisa të zbardhet e vërteta dhe besojnë se drejtësia do të mbizotërojë. Ky rast shton numrin e shtetasve të Kosovës të ndaluar nga Serbia nën akuza për krime lufte.