Operacioni policor i koduar "Rrjetet", i zhvilluar nga Drejtoria Vendore e Policisë Vlorë me mbështetjen e Drejtorisë së Përgjithshme, finalizoi kapjen e dy shtetasve të shumëkërkuar. Granit Pepnika ishte caktuar masa e sigurisë "Arrest në burg" nga Gjykata e Tiranës më 30.04.2026, si i dyshuar për veprën penale "Mashtrimi kompjuterik".
Po ashtu, Xhoni Hitaj kishte të njëjtën masë sigurie të caktuar më 13.04.2026 nga Gjykata e Tiranës për veprën e mashtrimit kompjuterik. Gjatë operacionit u arrestua edhe Redion Rexhmati, 28 vjeç, për veprën penale "Përkrahja e autorit të krimit".
Kontrolli në vilën ku qëndronin të arrestuarit çoi në sekuestrimin e një arme zjarri pistoletë dhe një sasie lënde narkotike, e dyshuar cannabis sativa. Materialet procedurale i janë referuar Prokurorisë për veprime të mëtejshme.