Gjatë fjalimit të tij në protestë, aktivisti Ilir Xhemalaj theksoi se tubimi në shesh tregon se qytetarët nuk mund të heshten. Ai u shpreh se ky vend është i shqiptarëve dhe nuk mund t'ia falin askujt.
Xhemalaj pohoi se kauza e protestës ka marrë mbështetje nga figura politike amerikane. Ai përmendi kongresmenin amerikan Joe Wilson, duke thënë se ai mbështeti revolucionin dhe nxori të vërtetat. Gjithashtu, ai falënderoi miqtë në Senatin amerikan për mbrojtjen e të vërtetës dhe sovranitetit të shqiptarëve.
Sipas Xhemalajt, lufta kundër korrupsionit ka kapërcyer kufijtë dhe nuk mund të ndalet. Ai e përfundoi fjalimin me mesazhe patriotike dhe bëri thirrje për një aleancë të përhershme me Shtetet e Bashkuara të Amerikës.