Një aksident rrugor ndodhi më 6 korrik, rreth orës 23:10, në rrugën “Mlaki” në Gostivar. Ngjarja përfshiu dy automjete, një “Citroen Berlingo” i drejtuar nga R.J. (59) dhe një “Seat Leon” me shofer O.R. (70), të dy nga Gostivari.
Ministria e Punëve të Brendshme njoftoi se shtatë persona morën lëndime. Të dy shoferët dhe tre pasagjerë — M.S. (64), Z.I. (45) dhe S.R. (60) — pësuan lëndime të rënda dhe u transportuan në Kompleksin e Klinikave “Nëna Terezë” në Shkup. Dy pasagjerë të tjerë, D.P.G. (59) dhe P.A. (54), u diagnostikuan në Qendrën Mjekësore në Gostivar.
Një ekip nga Departamenti i Punëve të Brendshme të Gostivarit kreu inspektimin në vendin e ngjarjes për të zbardhur rrethanat e aksidentit.