Programi për nxitjen e furnizimit me gaz në amvisëri për vitin 2026 ka pësuar ndryshime, të publikuara në “Gazetën Zyrtare”. Ky vendim zgjat afatin e aplikimit, duke ofruar një mundësi shtesë për amvisëritë e interesuara. Mbështetja shtetërore mbulon deri në 70 për qind të shpenzimeve të bëra.
Për këtë masë janë siguruar 3 milionë denarë. Mjetet do të shpërndahen sipas parimit “i pari që aplikon – i pari që përfiton”, deri në shterimin e fondit. Qëllimi është t'u mundësohet sa më shumë qytetarëve ulja e shpenzimeve të ngrohjes dhe përdorimi i një burimi energjie më të pastër dhe efikas.
Të drejtë aplikimi kanë amvisëritë që do të kyçin shtëpinë në sistemin e shpërndarjes së gazit natyror gjatë vitit 2026. Gjithashtu, mund të aplikojnë amvisëritë që do të blejnë një kaldajë me gaz për objekte të kyçura në sistem deri më 1 janar 2026. Çdo amvisëri mund të dorëzojë vetëm një kërkesë.
Ministria u bën thirrje qytetarëve të interesuar të dorëzojnë kërkesat sipas kushteve të shpalljes publike. Informacione të detajuara gjenden në faqen zyrtare të Ministrisë. Pas përfundimit të afatit, një komision i posaçëm do të shqyrtojë aplikimet. Mbështetja financiare do t'u paguhet përfituesve që plotësojnë kushtet e përcaktuara.